Kasi tur hende ta bisa ku ta importante pa bai vota dia 22 di yanüari. I tur partido ke bo voto: pero kua meresé bo voto mas? E partido ku semper bo a vota? Òf di bo mayornan? Di bo bisiñanan? Bo amigu?
Pa komprondé kual partido ta representá mihon bo deseonan i kosnan ku ta importante pa bo, bo lo mester di lesa tur programa di tur e partidonan! Ta kasi imposibel! E ta hopi trabou i difísil i unda bo por consegí tur informashon?
E Kòmpas Polítiko di Kòrsou tin komo meta optené tur informashon relevante riba un wepsait.
Nos tin rèspèt pa tur partido enbolbí.
Ken nos ta?
Nos ta un grupo realmente independiente; sin historia i ku agènda limpi; sin importá kolo; ku no ta wòrdu kontrolá pa niun grupo òf organisashon ofisial, nos no ta pertenesé na niun fundashon òf kompanía.
Pa nos lo mas importante ta avisá e pueblo di Kòrsou di manera mas imparsial posibel.
Riba nos wèpsait lo bo haña un resúmen simpel i aksesibel di e puntonan mas importante di tur 10 partido. Asina bo por hasi un eskoho konsiente.
Falta solamente 49 dia pa e lanzamiento di e wèpsait! Danki pa bo atenshon!
